سند تابعیت افتخاری افغانستان برای یک مرد ایتالیایی

کابل – پیشگو

ارگ ریاست جمهوری کشور با نشر اعلامیه‌ای از اهدای یک سند تابعیت برای یکی از شهروندان کشور ایتالیا که یکی از کارمندان فعال کمیته بین‌المللی صلیب سرخ در افغانستان است خبر داده است.
البرتو کایرو مسئول بخش فیزیوتراپی کمیته‌ صلیب سرخ در افغانستان، از سوی رییس جمهور غنی سند تابعیت افغانستان را بدست آورد.
آقای البرتو ۲۸ سال در افغانستانو در این کمیته خدمت کرده است.
بر اساس خبرنامه ارگ ریاست جمهوری، محمد اشرف غنی رئیس جمهور افغانستان به پاس خدمات البرتو کایرو سند تابعیت افتخاری افغانستان را به او اعطا کرد.
اداره‌ی بین‌المللی صلیب سرخ به قربانیان جنگ در کشورهای جنگ‌زده و آسیب‌پذیر کمک می‌کند.